cfp.gov.tl/wp.../Legislação-da-Função-Pública-Livro-de-Bolso-2.ed_.pdf

PRESENSA STAF TEKNIKU EDTL IHA HERA POWER PLANT NEBE LAO DEJAFIU NO OBJETIVU NEBE LA KLARU

 

 

Nudar informasaun ba kelegas/kompatriota sira liu-liu nebe ho nia profesaun no dedikasaun tomak atu kontribui nia esforsu tomak iha area Electricidade katak durante tinan sanolu resin nia laran enfrenta dejafiu oi-oin maibe ho esperansa katak ita nia kontribuisaun sei la munu ba rai tanba ita hotu nia involvimentu mesmu direta ou indireta bele fornese ona esforsu lubun ida ba ita nia sosidade nudar klientes electricidade iha itnia rai Doben Timor leste.

 

Mudansas ba mudansas ita hakat ona maibe laiha pasu ida nebe signifika ba ita hodi rekorda maluk balun nebe servisu desde tinan barak ona labele hetan elevasaun nivel ruma,, hanesan ema dehan restante PLN Indonesia nebe existe nafatin ho nia kbit naton mesmu laiha formasaun ruma maibe ejerse nafatin nia knar ho modalidade badain nebe sira iha.

 

Elevasaun saida mak ita persija ?

 

Evidenssia konkretu hatudu mo-mos katak iha EDTL rurais iha kontrariu bot ida mak lao nafatin hanesan :

 

1. Funcionariu nebe servisu hare ba nia profesaun nudar ema tekniku ( STM) sira hetan nivel 2 e laiha mudansas ba sira,
2. Funsionariu balun la finalize nia estuda iha secundaria ka SMA maibe SMP deit bele hetan Nivel 3 ate 4 mos iha no existe too agora.
3. Funsionariu balun besik ona pensaun maibe laiha avaliasaun nudar konsiderasaun atu eleva sira nia nivel molok pensaun

 

Asuntus hirak nee konsege eskalarese iha reuniaun ho partisipantes husi Distritus no Sub distritus sira hotu maibe laiha rejultadu,, iha dalan klaran ita nia dirigente sira nebe ofrese nia esforsu atu submete kestaun ida nee ba oin la konkretija tanba depois hetan konfiansa kargo sefia, sira halakon tiha asuntus ida nee too ohin loron.

 

 

Iha parte seluk liga ba titulu kop surat iha leten sobre tekniku EDTL nia prejensa iha central 2 hanesan HERA no Betano, enfrenta kondisaun foun nebe lao dadaun hanesan tuir mai:

Staf tekniku iha 2 diferensia ba kolokasaun, parte 1 ho knar inisiu basea ba surat transferensia ho asuntus APOIU SERVISU iha parte ida tuir mai mak rekrutadu liu husi konkorente vagas servisu.

 

Na realidade 2 partes ne agora nia presensa hotu iha 2 central nebe refere, maibe mosu obstakulu bot hirak mak tekniku sira enfrenta desde inisiu kuandu liga ba MANAJEMENTU POWER PLANT rua nee,,, basaaa....?

 

Power plant nia manajementu halao husi Companhia kontratu ida hanaran PURIAKRAYA lda. nudar Main contractor nebe jere manajementu hirak nee, I knar atu halao O&M ( Operasaun no Manutensaun) iha Sub Contractor hanaran Companhia WARTSILA internascional.

 

 

Hatudu katak kontratu kalaru, buat hotu companhia mak halao, karik prejensa tekniku EDTL nian iha central hirak nee atu halo saida?

 

Kuandu atu apoiu servisu bele hateten katak Governu rekruta funcionariu ho vencimentu husi governu maibe servisu fali ba companhia hodi halao susesu servisu companhia, hatudu katak selu kompanhia dupla.

 



 

RESUMO ENCONTRU ENTRA STAF EDTL HERA HO BETANO

Dia 28 de Outubro 2015

Durasaun tempu : 1.02”

 

 

1.       Directur Geral labele foti Desijaun maibe fo orientasaun servisu ba Directur Produsaun ho Chefe Dep, Sira Atu hare problemas no informasaun seluk  iha local servisu hodi descobre no akumula nudar dadus no faktus nebe local servisu sira enfrenta liu husi meus reuniaun Mensal nune bele hetan solusaun ba oin mai hodi motiva pesoal servisus sira.

2.       Hatoo atensaun ba Director tekniko ho cehe dep. Atu hare no halo proposta ba apoiu osamentu ba Area Remotas no Subsidu ba risku de servisu.

3.       Informa ba funsionariu tekniku sira atu prepara an hodi simu kondisaun foun iha 2016 tuir mai, ho rajaun future nian pesoal sira labele obriga an ba servisu direta ba atividades manutensaun nebe fo risku ba saude no fisikamente.

4.       Diferensia pagamentu ou nivel salarial entre staf purya akraya ho staf EDTL tanba Kontratu mak permite.

5.       Fo perioridade atu hare hikas ba Oras extra ordinariu, osan sift/turno  maibe hare mos ba presensa funsionariu sira atu priense format sira nee ho los.

6.       Inforama katak Companhia Puryakraya sei entrega  dokumentus presensa funsionariu ba EDTL dirasaun Nasional  atu estuda hodi kria kondisaun foun ida ba future.

7.       Funsionariu publiku permanente la permite atu hetan pagamentus ba aktividades manutensaun nian, permite deit kuandu companhia rasik mak hasai gastus ba pagamentu no labele reinbolsu fali ba Governu.

8.       Informa ba tekniku sira katak ba operadores sira bele halao nia knar hanesan bain-bain tanba menus risku ba nia aktividades.

9.       Ba tekniku manutensaun bele partisipa kualker aktividades manutensaun maibe labele diretamente kaer servisu , manten posisaun nudar observador governu ninian ba aktividade manutensaun nebe companhia halao no relata mai iha dirasaun nudar base informasaun.

10.    Sei hatoo karta pedidu ida ba MINE OFFICE PURYAKRAYA JAKARTA atu halao enkontru ida ho Superior da EDTl no Vice Ministru das Obras Publikas  atu hetan konsesus ida kona ba involvimentu pesoal tekniku manutensaun hodi hasae kapasidade diretamente ba actividade manutensaun  no oinsa atu benefisia ba sira( Tekniku EDTL) nia involvimentu.

 

KESTOENS MUDANSA MANAGEMENT HERA-BETANO POWER PLANT

Relasiona ba kontratu M&O central Produsaun electrica Hera-Betana nebe remata iha fin de julho 2017 husi companhia Puriakraya .ltd, iha momentu neba servisu companhia Puriakraya .ltd termina kedas ho dead line servisu, ba funsionariu nebe iha Puriakraya .ltd nia manajementu hotu-hotu para derepenti enkuantu karta deadline servisu husi companhia hasai.

 

Hateten katak misaun companhia Puriakraya .ltd remata ona despois antes loron ida entrega relatoriu asesmentu ba EDTL nudar Owner/nain ba central produsaun refere.

 

Enkuantu situasaun ida ne'e komesa, pesoal servisu tekniku komesa minus hahu husi pesoal Operasaun geradores, Logistic, Ditribuisaun nomos Tekniku manutensaun, total pesoal Puriakraya .ltd momentu neba halao knar tekniku hamutuk 39 pesoas.

 

Situasaun ida ne'e krusial tebes tanba menus pesoal servisu iha departementu hirak ne'e, relasiona ho situasaun refere Companhia Wartsila nudar Sub-Kontrator nebe responsavel direta ba Manutensaun & Operasaun tenke servisu ekstra hodi muda pesoal balun ba ajuda Operasaun Geradores, nune bele garantia kontinuasaun produsaun energtia electricidade ba teritoiu Timor-Leste.

 

Mesmu situasaun krusial bele akontese maibe servisu lao nafatin hanesan bai-bain tanba Pesoal tekniku EDTL nebe destaka ba Hera-Betano halao nafatin knar nudar tekniku husi Governu, nune krize pesoal iha momentu neba la akontese.

Ho inisiativu no vontade diak nudar servidor publiku nomos ho esperiensia natoon sira nafati fo suportasaun maximu ba companhia Wartsila hodi manten servisu lao normal durante fulan 1 nia laran hahu dia 1 de Julho ate Fulan Agustu dadaun ne'e. Pesoal tekniku EDTL iha momentu neba hamutuk 22 pesoais iha Hera no  iha Betano hamutuk 11 pesoas.

 

Maibe iha fulan Agustu nia laran komesa mosu kestoens barak nebe espalha mai husi governu Timor leste rasik relasiona ba kontratu foun nebe sei akontese no sei determina companhia seluk hodi jere manajementu central produsaun Hera-Betano. Depois akontese duni hodi fo fiar ba Companhia Wartsila Indonesia hodi jere jestaun M&O ba central nebe refere  no agora dadaun iha prosesu laran hodi halao nia knar no responsabilidade ba tinan 5 oin mai.

 

Relasina ba situasaun foun iha leten, mosu dejafiu boot ba membru governu nudar pesoal tekniku EDTL iha Hera-Betano, tanba tenke hili opsaun atu nafatin servisu iha central produsaun refere ou fila hikas ba dirasaun EDTL Nacional atu hetan transferensia servisu fatin ba teritoriu Timor-Leste ou nafatin hamutuk ho pesoais sira seluk hodi manteen servisu iha Central EDTL Comoro.

 

Tanba iha kontratu foun laiha esplikasaun ka titulu balun nebe kualia kona ba existensia Pesoais Tekniku EDTL atu nafatin iha Central Produsaun Hera-Betano hodi halao knar hamutuk ho companhia nebe manan kontratu M&O.

 

Iha parte seluk pesoais tekniku EDTL ikus mai tenke hetan opsaun nebe Diresaun Nacional EDTL submete 2  opsaun nebe pesoais sira tenke hili hanesan ;

 

1. Ho inisiativa rasik hili opsaun atu servisu nafatin iha Central Produsaun Hera-Betano, tenke resigna-an husi funsionariu publiku nune bele tama ba companhia Wartsila Indonesia no halao knar nudar funsionariu companhia, tanba iha contratu sujere ba companhia wartsila ho pesoais rekrutadu mak sei halao servisu iha fatin 2 hanesan Hera-Betano
2. Karik Pesoais tekniku EDTL la aseita opsaun resigna-an, hateten katak nafatin funsionariu publiku no tenke sai husi Hera-Betano.

 ------continua ba sesaun tuir mai---------